ZZBattorinas del Campidano- Gennaio
/ 0
Dettagli
- Dettagli
- Pubblicato Giovedì, 11 Agosto 2016 18:17
- Scritto da Giuseppe
- Visite: 1442
BATTORINAS Per un Anno: Gennaio
Trallaleru/a...rima sa primu dì de s'annu
Abarru canta canta
sa primu dì de s'annu
ca seu pippiu nanta
maccai sia mannu.
Trallaleru/a..sa dì de sa Befana
In sa forrédda miggia
appìccu manna manna
dha prenit piggia piggia
nottesta sa Befana.
Trallaleru...torràda
a kitzi sciumbulàu
sa miggia happu furriau
nd'esti bessìu u' muntoni
de cinisu e crabòni
Torràda...
sa dì 'e Sant'Antoni
Sa dì 'e Sant'Antoni
alluéus su fogaròni
pappaus su procéddu
cun binu biancu e nieddu!
Torràda...
Pro Santa Liberàda
ha fattu cilixìa
sa linna est spacciàda
e tzerriaus tittìa!
Torràda...
Sa morti > Sonettu (AB-AB>AB-AB>CDC-DEE)
- Siat a merì o siat a menjànu
siat adenotti opuru adedì
siast in su saltu, siast in bijànu,
candu dha bisi ti fait a timì.
- Poburu o arriccu, bonu o marrànu,
a tottu cantus, a mimi y a tì,
a mascus e feminas pigat sa mànu
candu arribat s'hora e sa dì.
- Est una femina lobai, sa mòrti
ma no si coyat mai cun nisciùnu,
e nd'arregòlit debili e forti,
- e no ndi lassat propiu mancùnu:
in s'hora detzidia, ki nosu no scieus,
torraus tottus s'anima a Deus| (fine)
Sa niàda > sonettu (AB-AB>AB-AB>CDC>DEE)
(Su tres de Gennarju dessu norantatresi)
- "Curri babbu, curri a inoi"! - hat itzerriàu
unu de is pippius, custu manjanéddu-
Castia ita bellu, su logu tottu niàu,
sa nì a onnya cosa hat postu su cappéddu
- "Lobai oh! Lobai! Est tottu solocàu"
In sa matt''e su limoni u' printzixéddu
circat s'appigu, jai tottu scitoràu,
e me in sa bia jai concu picciokkeddu
- pinnicat sa nì po ndi fai muntòni
y arribat unu tallu 'e aterus pippius
totuus in allirghìa a fai su mustayòni
- A Serayevu invecis tenint famini e frius
"O babbu, ita po niai in tottu sa terra,
de ndi liai pro sempri certidus e gherra"! (fine)