ZZBattorinas del Campidano-Luglio
/ 0
Dettagli
- Dettagli
- Pubblicato Sabato, 13 Agosto 2016 14:09
- Scritto da Giuseppe
- Visite: 1176
Battorinas de mes''e Arjolas > Luglio.
Mes''e Arjolas dessu 1990: fia in s'Istitutu Lionardu de Casteddu (accanta, accanta dessu "Malincomudu" de Villa Clara) a fai is esaminus de maturidadi, cumenti de Cummissariu de Italianu.
Una Bona Atzioni (Trallaleru)
In s'ecca 'e su Lionardu
abettendi a passai
unu collega 'e bidda
po a domu nci torrai.
Torràda...
Setziu in una pankitta
tottu tristu y affliggìu
un homineddu becciu
dhoy fiat ananti miu.
Torràda...
S'accostat e mi narat
"Scusit mi podi nai,
in custu momentu
ita hora eus a fai"?
Torràda...
Seriu e tristu fiat
ke santu sen''e festa
e po castiai s'hora
atziu sa manu esta.
Torràda...
"Is duas mancu cincui,
funti lérat tziu
de aici imoi signalat
cust'arralogiu miu"!
Torràda...
Mi torrat de gustu::
""Ki su praxèri tenit
a is duas justu, justu
sa facci in "cù" mi ponit"!
Torràda...
"Sissi - dh''appu arrespostu -
Jei ndi tengu contu,
calisì su cartzoni
ca deu seu jai prontu"!
Torràda...
Arribat su collega
propiu in su momentu
a mi ndi liberai
de cussu segamentu!
Torràda...
"Bon homini dhu biri,
no potzu abarrai,
ca su collega miu,
no bolit abettai"!
Torràda...
"Ma tengat passientzia,
no dhi pighit sa pressi,
ki propiu hoi no est
cràsi jei podit essi"!
Torràda...
A si torrai a setzi
cuss'homini est andau
e tottu arriendi fiat
e meda meda prexàu!
Torràda...
Bogau sa tristesa
nci iat in u' momentu
e si frigàt is manus
de cantu fiat cuntentu!
Torràda...
Po mimi, de seguru,
est stetia s'occasioni
de fai hoi puru
una bona atzioni!!!
Torràda...(fine)